UniAdmire Xaricdə Təhsil Şirkəti ilə yeni strateji əməkdaşlıq müqaviləsi imzaladıq.

Humel Psixologiya Mərkəzi və UniAdmire arasında yeni strateji əməkdaşlıq

Humel Psixologiya Mərkəzi olaraq, UniAdmire Xaricdə Təhsil Şirkəti ilə strateji əməkdaşlıq müqaviləsi imzaladıq. Bu əməkdaşlıq çərçivəsində xaricdə təhsil alan tələbələrə onların yeni mühitə adaptasiyası, emosional rifahı və akademik uğurlarını artırmaq məqsədilə peşəkar psixoloji dəstək təqdim edəcəyik.

Tələbələrimiz fərdi psixoloji konsultasiyalar, adaptasiya prosesinin idarə olunması, stress və emosional idarəetmə proqramları, eləcə də xaricdə tələbə həyatının bütün tələblərinə uyğun dəstək alacaqlar. Bu xidmətlər onların həm şəxsi, həm də akademik həyatlarında daha güvənli, balanslı və məhsuldar olmalarına yardımçı olacaq.

Bundan əlavə, Humel Psixologiya Mərkəzi və UniAdmire birgə olaraq maarifləndirici seminarlar, təlimlər və inkişaf layihələri həyata keçirəcək. Biz inanırıq ki, bu əməkdaşlıq tələbələrin xaricdə təhsil təcrübəsini daha zəngin, uğurlu və balanslı edəcək, onların akademik müvəffəqiyyətini artıracaq və psixoloji rifahlarını təmin edəcək.